દેશી ધમાચકડી

શુભ – સંપૂર્ણ મોદીમય

Posted in ગમ્મત, નરેન્દ્ર મોદી, શુભ, હાસ્ય, Uncategorized by અશ્વિન on જૂન 3, 2014

મારા ત્રણ વર્ષના પુત્ર શુભ ના તાજેતર ના અમુક પ્રસંગો વખતે ની ટીપ્પણીઓ સાંભળીને એવું ચોક્કસપણે લાગે કે શુભ મોદીજી ને હવે બરાબર ઓળખી ગયો છે. છેલ્લા અમુક મહિના દરમિયાન મોદીજીના અનેક વિડિયો ટીવીમાં મારા જોવાથી શુભ પર કદાચ એની અસર નું કારણ ગણી શકાય.
ખાસ તો બે પ્રસંગો ની નોંધ લખવાની ઈચ્છા હું રોકી નથી શકતો.
1) મારી પત્ની દિવ્ય ભાસ્કર ની સાઈટ પર ઓન લાઈન સમાચાર વાંચતી હતી. તો પેજ પર બાજુમાં મોદીજી ના ફોટો સાથે કોઈ આર્ટીકલ ની લિંક હતી. એ ફોટો આ રહ્યો અહી:

modiwithhat

શુભ મારી પત્નીની બાજુ માં બેઠો હતો અને આ ફોટો જોઈ ને એ બોલ્યો: “મમ્મી, મોદી ટોપી”.
કદાચ એને એવું કહેવું હશે કે ટોપી પહેરેલા મોદી.

2) થોડા દિવસ પહેલા અમે ખરીદી પૂર્ણ કરી ને શોપિંગ કોમ્પ્લેક્ષમાંથી નીકળતા હતા. શોપિંગ કોમ્પ્લેક્ષના પાર્કિંગ લોટમાંથી કાર ધીમે ધીમે હંકારી ને બહાર આવતા હતા કારણ કે લોકો પાર્કિંગ લોટ માંથી સ્ટોરમાં જવા માટે રસ્તો ઓળંગી રહ્યા હતા. આ દરમિયાન એક દાઢીવાળા ભાઈ અમારી કાર ની આગળ થી રસ્તો ઓળંગતા હતા. આ ભાઈ ને સફેદ દાઢી હતી. એને જોઈ ને શુભ તરત બોલ્યો: “પપ્પા, પેલા ને જવા દેજો મોદીને”.
અમે ખડખડાટ હસી પડ્યા અને શુભ ને કહ્યું કે બેટા એ ભાઈ મોદી જેવા લાગે છે પણ મોદી નથી. મોદીજી ને અમેરિકા આવવાની કદાચ હજુ વાર લાગશે.